Sarong 65 anyos na Amerikanong lalaki an nakuang gadan sa pig-aarkilang apartment kaini sa Brgy. Washington sa Surigao niadtong Sabado, Oktubre 10.
Sa inisyal na imbestigasyon, Oktubre 5 kan nagcheck-in an biktima sa nasabing apartment sa Mariposa Street, Purok Orchids.
Alagad kan nakaaging Sabado, antes pa man nadiskubre an bangkay kan victima, sarong caretaker an naistorbo kan sarong matarom na hamot na hale sa ikaduwang eskalon kan nasabing apartment asin hale sa unit kan victima.
Gamit an spare key kan caretaker, binuksan an nasabing unit, kun saen nabuyagyag an bangkay kan victima. An paraataman tulos na ipinaaram sa kagsadiri an saiyang nadiskubre, na iyo man an nag-apod sa pulis.
Pig-aaram na kan mga otoridad an rason kan pagkagadan kan biktima. Igwa man suboot nin posibilidad na nagadan ini huli sa cardiac arrest alagad pwedesir man na imbuelto an foul play sa saiyang pagkagadan.
Sa ibong kaini, dae pa segurado asin espesipiko an kawsa kan kagadanan mantang padagos na pighahalat kan mga otoridad an resulta kan autopsy.
Dae pa isinapubliko kan Surigao City Police an bilog na identity kan biktima alagad napag-araman na residente kan estado kan Florida sa Estados Unidos an lalaki.
Sa ngunyan, nakikipag-ulay na an mga otoridad sa US Embassy siring man sa mga parientes kan biktima.
