Stand out si Winwyn Marquez sa saiyang pigheras na swimsuit photos para sa Miss Universe Philippines (MUPH) 2025.
Sigun sa 32-anyos na aktres asin celebrity mom, dae soboot rason an saiyang pagigin Ina tanganing magbali sa nasambitan ng kompetisyon.
Marurumduman kan taong 2023 kan halion kan Miss Universe an age limits asin tugutan an mga Ina o kaya may-agom na babae na magpartisipar sa pageant asin sa mga affiliated contests.
Kan nakalihis na panundon para sa Miss Universe an mga delegado an kaipuhan na single asin nag-eedad 18 hasta 28-anyos sa pagpuon kan International na competition.
Pokus si Winwyn sa pig-aapod na pagigin totoo sa pagheras kan saiyang inaagihan komo Ina.
Mientrastanto, liwat na nagbwelta si Winwyn sa pageantry makalihis an 8 taon. Enot ining nagkriar nin historya kan 2017 makalihis na enot na Pinay na magbali asin manggana sa Reina Hispanoamericana pageant.
Apwera digde, bistado man si Winwyn komo an aki ni Joey Marquez asin Alma Moreno siringman pinsa kan beauty queen-actress na si Michelle Dee, na nagtapos sa Top 10 para sa Miss Universe 2023.
An MUPH 2025 coronation night an isasagibo sa sarong mall sa Pasay City sa May 2.
