Ibinasura kan Supreme Court en banc an indirect contempt petition na inihain laban ki Sen. Vicente “Tito” Sotto III.
Ini konektado sa saiyang mga kritisismo sa desisyon kan korte manungod sa impeachment case ni Vice President Sara Duterte.
Sa desisyon na isinurat ni Senior Associate Justice Marvic Leonen, idinugang kan halangkaw na hukuman na an mga pahayag ni Sotto parte kan pampublikong diskurso asin protektado bilang political speech.
Malinaw na sinabi kan korte na an mga batikos sa mga desisyon kan hukuman bakong awtomatikong pinarurusahan, dawa pa ini ibilang na masakit, nakakasakit, o daa sala.
Nagpatanid pa an tribunal na an pagparusa sa senador sa simpleng pagpahayag nin dai pag-uyon magigin labi-labing paglimitar sa freedom of expression kan mga namamanwaan.
Muling nanawagan an Supreme Court para sa kapwa paggalang sa pag-ultanan kan mga sangay kan gobyerno mantang pinapabukas an hudikatura sa mga makahulugan na batikos hale sa publiko.
