Masairarom liwat sa arthroscopic surgery si Philadelphia 76ers star center Joel Embiid.
Sigun sa koponan na isasagibo an operasyon sa masunod na semana.
An desisyon an pigkundusir makalihis an konsultasyon gikan sa mga medical experts.
Kan nakalihis na Pebrero 28 kan huring nakapagkawat si Embiid asin puon kaidto an dae na nakabwelta huli sa problema sa tuhod.
Pigmamate pa man giraray kaini an operasyon kan saiyang tuhod na enot nang pigsagibo kan Pebrero 2024.
An 31-anyos na Sixers star an nagin Most Valuable Player kan 2022-23 season.Nasapo kaini an injury kan magkaigwa sainda nin banggaan sa playing court ni Jonathan Kuminga kan Golden State Warriors kan Enero 2024.
Sa taon man na ini nakabweltada na sa pagkawat si Embiid alagad dae natabangan an saiyang koponan na makaabanse sa playoffs.
