Isinumite na kan National Bureau of Investigation (NBI) sa Office of the Ombudsman an resulta kan saindang imbestigasyon manungod sa sinasabing ‘misdeclarations’ sa Statement of Assets, Liabilities, and Net Worth (SALN) ni Vice President Sara Duterte.
Sa sarong panayam, kinumpirma ni NBI Director Atty. Melvin Matibag an pagturn-over kan imbestigasyon kan ahensya sa Office of the Ombudsman.
Kapansin-pansin an mga NBI Agents na nagdadara nin kahon-kahong ebidensya manungod sa sinasabing mga rogaring kan ikaduwang presidente na ‘misdeclared’ sa saiyang SALN.
Kaya, segun sa direktor, nasa Office of the Ombudsman na an hurisdiksyon para sa pagpadagos kan imbestigasyon manungod sa nasabing kaso.
Mas marhay daa na an Office of the Ombudsman na an mag-isyu nin ‘subpoena’ asin bako na sinda, kun naghahalat sana an bise presidente na siya ipatawag.
Segun ki NBI Dir. Matibag, may koneksyon an ipinasang ‘referral’ partikular sa idineklarang ‘agricultural land’ kan ikaduwang presidente na, aniya, igwa pa nin ‘helipad’.
Base sa naging imbestigasyon kan ahensya, nagluwas na igwang ‘undeclared properties’ si Vice President Sara Duterte sa saiyang SALN.
