Nakatalaan na magtraining sa US si Gilas Pilipinas player Kevin Quiambao para sa NBA Summer League.
Makalihis kaya an pagkawat kaini sa Korean Basketball League, dae pa man giraray ini nawawaran nin paglaom tanganing ipursige an professional ambition.
Marurumduman, nakabweltada na sa Pilipinas an 23-anyos na si Quiambao tanganing mag-recharge asin piglalaoman na mapasiring sa US puon Hunyo hasta Hulyo. Mapuon kaya an NBA Summer League sa Hulyo 10 hasta 20 sa Las Vegas, Nevada.
Nakakua an player nin suporta gikan sa may-sadiri kan Korean Basketball team na si Lee Kwangsoo kun saen iibahan ini na magpasiring sa US.
Taong 2027 pa an kontrata ni Kevin sa koponang Skygunners kan South Korea asin nakatalaan man na magkawat sa Gilas Pilipinas national team para sa FIBA Asia Cup 2025 na ikukundusir sa bulan kan Agosto sa Saudi Arabia.
