Nagkasundo an member states kan Association of Southeast Asian Nations (ASEAN) asin China tanganing makumpleto an Code of Conduct sa pinag-aagawan na kadagatan paglaog kan 2026.
Sigun ki Department of Foreign Affairs (DFA) Secretary Enrique Manalo, gabos sinda an politically committed na magkaigwa nin code of conduct sa masunod na taon asin gigibuhon soboot ninda an saindang makakaya tanganing mangyari ini.
Pig-ako man kan sekretaryo na igwa nin pirang mga isyu na kaipohang mapagkasunduan kan gabos nin mga nasyon tangaing makumpleto an Code of Conduct.
Sigun pa sa DFA chief na siring kan sinaysay ni Fedinand Marcos Jr. kaipohang masimbagan an importanteng isyu siring kan saklaw kan nasambitan ng code siringman an nature kaini asin kaugnayan kaini sa Declaration of the Principles na in-adopt kan 2002 katakod sa disputed waters.
Sinaysay ni Sec. Manalo na an mga isyu siring sa WPS an saro sa mga dahilan kun tano kaipohan na magkaigwa kan nasambitan ng Code of Conduct.
Katakod kaini, ngunyan na Abril, nagsagibo an ASEAN asin China nin tolong aldaw na negosasyon sa Maynila katakod sa nasambitan ng Code of Conduct sa disputed waters.
Obheto kan kasunduan na makapaglatag nin mga panundon tanganing mapangasiwaan an territorial disputes asin maitaguyod an mapayapang pagresolbar kan conflicts sa pinag-aagawan na kadagatan.
