Pigkakarkulong 130 na mga foreign delegations kaibahan an 50 head of states asin 10 presenteng mga monarchs an nakatalaan na maabot sa lubong ni Pope Francis.
Susog sa Vatican, an nasambitan ng listahan pwede pa madugangan antes an aldaw nin Sabado.
Pig-anunsyar man kan Vatican na saindang pinalawig an oras kan public viewing sa lamay kan namaaram na Santo Papa.
Nakatalaan kuta nindang tapuson ngunyan na banggi nin Biyernes an pagpapila alagad nin huli ta kadakol an mawot na mahiling an Santo Papa sa huring pagkakataon sainda ining pinalawig.
Marurumduman na halaba an pila kan mga tawo gikan pa sa ibang mga nasyon tanganing mahiling an Santo Papa.
Sa laog pa sana kan haros sarong semana, nakakurit na an Roma nin halangkaw na numero kan mga dayo asin turista na nagbibisita tanganing mahiling an Santo Papa.
Segun sa mga opisyal kan Roma pwedeng malampasan an nasambitan ng numero kan mga nakidumamay kaidtong namaaram si Pope John Paul II kan 2005.
