Preparado na an Commission on Elections Naga para sa nararaning 2025 midterm elections.
Sigun ki Atty Maico Julia Jr., Election Office kan COMELEC Naga, antes an aldaw kan eleksyon, sa May 5 ikukundusir an final testing and sealing sa voting center sa siyudad kun saen magkakaigwa nin test voting sa sampulong balota kada voting precinct.
Hihilingon man kun nanggagana nin marhay an mga Automated Counting Machine asin kun mayo nin problema.
Marurumduman, ikukundusir an National and Local Election sa Mayo 12, 2025.
Katakod digde, padagos na pig-enkaminar kan kan opisyal an publiko na likayan na maibwelto sa mga election offenses huli ta mahigot an ginigibong pagmonitor digde kan komisyon.
Igwa kayang mga nagkapira na mga kandidato sa local o national position na pigpapasumiter nin written explanation kun tano dae dapat na i-disqualify huli sa soboot pagbakal nin boto.
Sa ngunyan, nagpapadagos pa an distribusyon kan nasa 121,000 voters information sheets sa gabos kan mga Barangay sa siyudad nin Naga na pwedeng magin giya kan mga botante sa mismong aldaw kan eleksyon.
