Aram baya nindo mga ka-Bombo sarong museum owner sa Iowa an posibleng bagong Guiness World Record makalihis kaining i-katalogo an saiyang koleksiyon kan 38,162 kutsarita asin iba pang klase kan kutsara na labi 8,000 an lamang sa presenteng record holder.
Si Cammie Pohl, tagapamahal kan Mississippi Spoon Gallery, an nag-iba nin haros duwang dosenang volunteers tanganing bilangon asin i-dokumento an lambang pidaso sa laog kan limang oras.
Obheto kaining patunayan sa Guinness World Records na nalampasan na kaini an current record holder na si Des Warren, na nagrekord nin 30,000 teaspoons kan nakalihis na taong-1990.
Bako sanang pangkaraniwang kutsarita an nasa koleksiyon ni Pohl, yaon man digde an mga salt teaspoon, mustard spoons, asin mga antigong kutsara puon pa kan Gilded Age.
Sigun ki Pohl, nagpuon an gabos kan regaluhan ini kan saiyang lola nin 127 kutsara komo pagrumdom sa saindang mga tea party kan ini joven pa.
Para ki Pohl, bako sana ining koleksiyon, ini saro man paagi tanganing ipahiling an sining kan silversmithing na naliligawan na ngunyan kan modernong panahon.
