Pigduon ni Atty. Israelito Torreon, abogado ni Senator Ronald “Bato” dela Rosa, na pinoproteksyunan sana kan senador an saiyang mga karapatan kaya dai ini nagpapahiling sa publiko.
Ini an paglilinaw ni Torreon sa sarong eksklusibong panayam matapos matanong manungod sa angay na paglalarawan sa kasalukuyang sitwasyon kan senador.
Kinuwestyon man kan abogado an P50-milyong pabuya kontra ki Dela Rosa, pati na an pagklasipikar sa saiya bilang “armed and dangerous,” na segun saiya ay nagtao nin impresyon na nakakaharap an senador nin peligro sa saiyang kaligtasan.
Hamon man ni Torreon sa mga gustong papanaguton an senador na idulog an kaso sa lokal na korte, huli ta segun saiya, nagagana pa man giraray an justice system sa bansa.
Kansiugma, sa kabila kan napasong ultimatum kan Philippine National Police (PNP) asin kan pagtao nin pabuya para sa ikadarakop kan senador, dai pa man giraray nadadakop si Dela Rosa.
Sarong sa mga pinangaranan na co-perpetrator si Dela Rosa an ni dating Pangulong Rodrigo Duterte sa kasong crimes against humanity sa International Criminal Court (ICC), na may koneksyon sa implementasyon kan kampanya kontra droga kan nag-agi nang administrasyon.
