Naraot an sarong automated counting machine (ACM) makalihis na buhusan nin tubig kan sarong poll watcher sa sarong polling precint sa Marawi City ngunyan na Lunes, sa nagpapadagos na eleksiyon 2025.
Basado sa report tulos na nagresponde an mga pulis kan Marawi City, alagad nagtakas na an poll watcher antes pa sinda mag-abot.
Pigkumpirmar kan technician gikan sa Commission on Elections (COMELEC) na naraot an makina huli sa insidente.
An nasambitan ng ACM an nakatalag sa apat na pinag-ibang presinto para sa mga evacuee kan Marawi siege sa Barangay West Marinaut asin Barangay Sagonsongan.
Advertisement
Paramientras na napundo an pagboto sa lugar, alagad tulos ining ipinagpadagos makalihis na mag-abot an karibay na counting machine.
Advertisement
