Masangat nin sarong panukalang ley Si Senador Erwin Tulfo na magpapataw nin mas magabat na padusa sa pambubully asin diskriminasyon kontra sa mga Persons with Disabilities (PWDs), Senior Citizens, asin Indigenous Peoples (IPs).
An inisyatibong ini nagpoon sa saiyang makusog na pagkundena sa suboot diskriminasyon asin pambubully ki Josh Aquino, aki kan aktres na si Kris Aquino.
Tinawan-duon kan Senador na an kapansanan kan sarong tawo dai dapat gibuhong katatawanan o gamiton tanganing hamakon an saindang dignidad.
Binigyang-doon niya na kun an sarong PWD hale sa prominenteng pamilya nakakaeksperyensya nin diskriminasyon, mas dakul an posibilidad na maeksperyensyahan ini kan ordinaryong Pilipinong may kapansanan.
An ipinapanukalang ley nagmamawot na magtao nin dugang na proteksyon laban sa pambubully asin diskriminasyon para sa mga nasabing sektor.
Kaiba sa mga probisyon kaini an pagpapataw nin kaukulang parusa, kabali an pagkakakulong, sa mga mapapatunayan na nang-bully sa mga miyembro kan mga grupong ini, sa tataramon man o sa gibo.
Katuyuhan kan panukala na pakusugon an proteksyon para sa mga sektor na ini na parating nagiging biktima nin pang-aabuso, pangmamaliit, asin diskriminasyon huli sa saindang kamugtakan o pagkakakilanlan.
