Inamin kan PPCRV na nagkaigwa nin dae nilalaoman na teknikal na isyu an saindang lado kan nakalihis na banggi kan Lunes, na nagkawsa man nin pagkaantala sa pagpapaluwas kan karaniwang report kan datos sa eleksyon.
An primerong datos na naresiber makalihis man an alas-8:15 nin pagkabanggi ay nasa manlaen-laeng format, kaya man nagkaigwa nin delay sa pagproseso, asin dae naghaloy ay napansin an mga pagkakaiba sa numero kan PPCRV kumparar sa iba pang transparency server recipients.
Makalihis man an masusing pagsusuri, nadiskubre na an datos ay tama, na nagpapahiling man sa pakarhay na pagsala kan mga dobleng entry, kaya man iniluwas na kan mga ini an beripikadong dataset.
Nanutaran man an dakulang agwat sa numero kan election return receipts na naresiber kan PPCRV kumparar sa ipinapahiling sa pampublikong dashboard kan COMELEC, kaya man padagos an koordinasyon tangani orog na mas maintindihan asin maresolbaran.
Huli man digde, mas nagigin importante an audit activities siring na sana kan Random Manual Audit (RMA) asin man Unofficial Parallel Count (UPC) tangani man siertuhon an accuracy kan mga resulta asin mamantinir an integridad kan proseso.
