Nairehistro kan Philippine National Police (PNP) an pag-arestar sa nasa 3,131 na nagbalgar sa gun ban para sa 2025 midterm elections, 71 porsyentong paglangkaw gikan sa taong 2023.
An pagdakol kan arestado an sinasabing huli sa mas mahigot na pagpapautob asin pagtarabangan kan mga ahensya. Nakumpiskar an 3,217 na badil, haros kabanga pang mas kadakol kumparar kan nakalihis na taong 2023.
Iniladawan ni PNP Chief Gen. Rommel Francisco Marbil an trayumpo komo resulta kan dagos-dagos na kampanya asin pakikisumaro kan publiko.
Bagaman igwa nin 49 insidente kan kadahasan katakod kan eleksyon na nagkawsa nin 20 gadan asin man 31 lugadan, mas nagin salbado an eleksyon kan 2025 huli sa mas halabang preparasyon orog na partikularmente an nagin koordinasyon
