Mabilang pa nin mula duwa hasta sa tulong taon antes makabangon an mga stakeholders kan local hog industry gikan man sa danyos kan African Swine Fever (ASF) sa nasyon.
Ini an nagin pagtubod ni Agriculture Assistant Secretary asin spokesman Arnel de Mesa katakod kan kundisyon kan local hog industry sa pamiminsala kan ASF sa mga urigan.
Soboot, padagos pa man an pagbabakuna sa mga urig asin man nagin marahay man an resulta sa mga nabakunahan.
Sinabi ni de Mesa na hinahalat na ngunyan kan DA an approval kan Food and Drug Administration (FDA) para sa saindang clearance sa commercial rollout kan ASF vaccine na pwedeng maipautob antes man matapos an presenteng taon antes mautob an aggressive repopulation plan na iyong magigin dalan na maibalik an domestic production sa pre-ASF levels sa taong 2028.
Magpuon kaya 2019 kan magbungkaras an ASF outbreak, an national hog inventory ay bumaba, gikan sa 13 milyong urig ay nagin 9 milyong urig na sana.
