Aram baya nindo mga ka-bombo, an pinakahalaba na rideable bicycle sa bilog na kinaban an nag-aabot sa 180 feet o 55.16 meters.
An nasambitan ng bisekleta an kasinghalaba kan apat na double-decker na bus na pigdesinyo asin pigbilog kan walong Dutch engineers.
An 39-anyos na si Ivan Schalk an haloy ng nag-iisip na magbilog kan pinakahalabang bisekleta sa bilog na kinaban puon kan mabasa ini sa Guinness Book of Records kan aki pa.
Alagad kan taong 2028 sana napuonan ni Ivan an pagbilog kan saiyang pangiturugan.
Tanganing mautob ini naghagad nin tabang si Ivan sa mga indibidwal na igwang kaparehas na kaisipan na naka-istar sa sarong baryo sa Prinsenbeek na bistado man sa paggamit kan mga makabagong teknolohiya.
Inabot man nin pirang taon antes na mabilog an world’s longest bicycle na gibo sa metal asin nangangaipuhan nin duwang riders.
Mientrastanto, dae nagin madali an inagihan kan team ni Ivan tanganing maabot an saindang kamawotan huli ta kaipuhan na mapanuan an hinahagad kan Guinness sa nasambitan ng ladangan alagad an gabos na pagsasakripisyon an nagbunga nin karahayan.
Sa ngunyan, duwa an record na nakabutan kan team ni Ivan an world’s longest tandem asin world’s largest rideable bicycle.
