Pigyugo-yugo kan nasa 6.1-magnitude na linog an Peru na nagresulta sa pagkagadan kan sarong indibidwal asin huma kan landslides.
Sigun sa National Seismological Center an sentro kan linog an nairehistro poco mas o menos 30 kilometers o 20 miles gikan sa Callao, sarong port city na sunod sa capital kan Lima.
Katakod digde, an tremor dae man nagkawsa nin tsunami warning.
Alagad huli sa nasambitan ng pagyugo-yugo, binawian man nin buhay an sarong lalaki kan mabagsakan nin pader an kotse na saiyang pinagmamaneho
Apwera digde, huli sa nasambitan ng makusog na linog paramietras na pigsuspender an mayor na football game na pigkukundusir sa Lima.
Marurumduman an Peru an makukua sa Ring of Fire, ini an stretch kan labing seismic asin volcanic activity sa palibot kan Pacific basin.
Nagpapakol man sa poco mas o menos 100 na linog an nairerehistro sa Peru sa laog nin sarong taon.
An huring pinakamalalang linog na namatean sa Peru an kan taong 2021 sa Amazon region, na igwang magnitude 7.5 asin nagwalat nin nasa 12 katawo na nalugadan asin nasa 70 na kaharongang naraot.
