Sinaysay ni Alden Richards na mas marhay na an pagmate kaini ngunyan makalihis an pinag-agihang huma sa buhay kan nakalihis na 2024 na naenot kaining pigladawan na “lowest year”.
Dakul na pinagkakaabalahan ngunyan si Alden siring kan cycling, running, asin man pagwo- workout. Kaidto, pigpipirit soboot kaini an sadiri na gibuhon an aktibidad na ini.
Kabali man sa pinagkakaabalahan ni Alden an pelikulang “Out of Order,’ na ini man an nag-direk. Ipapaluwas ini sa competition section kan Da Nang Film Festival sa Vietnam puon June 29 hasta July 5.
Nakatalaan man mag lupad pasiring United States si Alden komo pagpreparar naman sa sarong Hollywood film.
Apwera sa mga pelikula, magigin host man si Alden sa upcoming reality dance competition kaiba sinda Marian Rivera, Pokwang, asin SB19 choreographer Jay Roncesvalles, na masirbing mga judge.
