Pigsierto kan National Food Authority Bicol na igwang bastanteng suplay kan bagas tanganing masustenar an P20/kg rice program sa irarom kan Benteng Bigas Meron Na na inisyatibo kan Department of Agriculture.
Sigun ki NFA-5 Assistant Regional Manager Julie Llenaresas, nagpakol sa haros 800,000 na sako kan paroy an presenteng nakatago sa manlaen-laen na warehouses sa Rehiyong Bikol.
Apwera digde, piglalaoman na orog pang malangkaw an suplay kan bagas huli ta padagos na pigpapabakal kan paraoma an saindang ani sa ahensiya.
An nasa 829,482 na sako kan paroy an madurar naman nin haros sarong taon na kun saen igwang dugang na suplay depende kun enkaso igwang kalamidad na magbungkaras.
Apwera sa inbentaryo sa paroy igwa man nin local rice inventory na 65,304 na sako an NFA Bicol.
Marurumduman an bentahan kan paroy sa Bicol region nag-abot sa P24/kg para sa mara mantang P18/kg sa basa o fresh na paroy.
Mientrastanto, pigsaysay kan opisyal na an nasambitan ng rice program nabebenipisyaran an mga consumers asin vulnerable sectors magin an mga paraoma.
Pigsierto man kan DA-Bicol na padagos an saindang pagtatao nin agricultural inputs tanganing magin marhay an ani kan mga paraoma.
Sa ngunyan, mapadagos-dagos soboot an programa na ini para sa karahayan kan mga paraoma asin mga consumedores.
