Marekas na dinaog kan pamabato kan Pilipinas na si Alex Eala an kalaban kaining Turkish na si Zeynep Sonmez, sa iskor na 6-1, 6-3, tanganing puonan an saiyang kampanya sa qualifying round kan Eastbourne Open.
Naghaloy sana nin sarong oras asin doseng minutos an kawat.
Makalihis an 1-1 na tabla, duwang beses napasa ni Eala an serve ni Sonmez tanganing makakua nin limang sunod na kapanggnahan asin makua an enot na set.
Sa ibong kan paghingowa ni Sonmez na gibuhong kapana-panabik an laban, si Eala pa man giraray an nanggana sa ikaduwang set.
Sa huri nakua ni Eala an kapangganahan.
Makakahampang man ni Eala an 23-anyos asin world no. 56 na si Hailey Baptiste kan United States sa final round kan qualifiers.
An manggagana sa laban an mapadagos sa main draw.
