Nakakua nin bagong career-high Rank No. 17 an Philippine tennis pride na si Alex Eala,sa pangkagabsan na standing kan Women’s Tennis Association (WTA) bago an saiyang pagsabak sa WTA 250 Hong Kong Open.
Base sa opisyal na rankings na ipinaluwas kan Lunes, nag-angat si Eala hale sa No. 19 pasiring sa No. 17, na may total na 2,289 points.
Nalampasan kan Filipina netter an saiyang dating career-best na No. 18.,Ini nangyari matapos niyang makatungtong sa quarterfinal kan katatapos pa sanang 500 Tokyo Open.
Sa pagpoon kan saiyang kampanya sa Hong Kong, nakatalaan na atubangon ni Eala si world No. 59 Alycia Parks.
Ngunyan na taon, naabot niya man an No. 18 kan Agosto kasunod kan Cincinnati Open, alagad nagbaba sa No. 20 kan Oktubre huli sa mga upset losses sa Singapore asin Wuhan.
Marikas man siyang nakabawi sa saiyang porma sa Tokyo Open tanganing makatala nin sarong breakthrough appearance ngunyan na Asian Swing.
