Nagsirbing heavy-favorite an Oklahoma City Thunder sa mga betting site sa US. Antes an laban, an Thunder an 7-point favorites kontra sa Pacers, basado sa nagin projection kan DraftKings Sportsbook.
Sa irarom kan nasambitan ng projection, an over/under kan total team points para sa OKC an 110.5 mantang sa Indiana an maabot sana sa 103.5. Buot sabihon, antes pa man an Game 7, mas halangkaw na an tyansa kan OKC na maigana an laban.
Irarom kan simulation asin projection na ginibo kan mga nangengenot na betting site sa US, an moneyline para sa OKC an hasta sa -265. Buot sabihon man, kaipuhang magbayad an sarong mananaya nin $265 tangani makapagbulsa nin $100 na kapanggahan.
Mas hababa ini kumparar sa Pacers, na nangangahulugang mas hababa an tyansa kan Pacers na manggana sa nasambitan ng laban. Nagpakol kaya sa +260 an moneyline para sa Indiana ngunyan na Game 7.
Buot sabihon, kun magtaya an sarong bettor kan $100 sa Pacers, mabulsa ini nin $260 kun dagusan kuta ining nanggana sa laban. Kabali sa mga bistadong celebrities na nagtaya sa OKC iyo an rapper na si Drake.
Nagtaya an rapper nin $600,000 para sa OKC tangani maipanggana sana an Game 6 alagad dagusan man na nadaog an koponan. Saro pang OKC fan an pumusta nin $105,000, gamit an +160 moneyline. Buot sabihon, ngunyan na nanggana an OKC, nagpuli ini nin $298,000 na kita.
