Nanindugan an Department of Foreign Affairs (DFA) na pwede pa man tabangan kan nasyon si Presidente Rodrigo Duterte asin mga pamilya kaini komo mga Pilipino.
Paliwang ni DFA Undersecretary Eduardo de Vega na kaidtong dinara an dating Presidente sa The Hague, Netherlands, nagtitinir an saiyang pagigin Pilipino, asin karapatan pa man kaining matawan nin anuman na assistance na pwedeng ibalyo kan DFA.
Sa kahaputan kun pwedeng manumpa si dating Presidente Rodrigo Duterte sa Philippine Embassy sa The Hague, Netherlands, sinaysay ni De Vega na pwede ining gibuhon kan embahada huli ta an nasambitan ng opisina an nagsisirbing extension kan gobyerno kan Pilipinas.
Siring man, magigin dakulang kahaputan pa man soboot kun tutugotan kan International Criminal Court (ICC) na makaluwas an dating Presidente asin magbiyahe pasiring sa embahada tanganing manumpa komo bagong elehir na alkalde kan Davao City, orog na asin bako na man soboot miyembro kan ICC an Pilipinas.
Tinukoy kan DFA Official an legal theory na an kapangyarihan asin otoridad kan embahada an limitado sana sa embassy premises.
Boot sabihon, kaipuhan darahon si Duterte sa embahada kan Pilipinas tanganing digde manumpa.
Marurumdumang liwat nagbulsa nin landslide win an dating presidente makalihis ining magdalagan liwat sa pagka-alkalde sa Davao City. Ini an sa ibong kan pagkakadetine kaini sa ICC detention facility sa kasagsagan kan kampaniya hasta eleksiyon.
Mientrastanto, kapwa nasa the Hague an embahada kan Pilipinas asin an headquarters kan ICC.
