Nagtipon sa kabisera kan Thailand na Bangkok kan nakalihis na Sabado an labi sa 17,000 na mga ralihista tangani hagadon na magbutas na sa saiyang pwesto si Prime Minister Paetongtarn Shinawatra, na nagpagirundom sa kamugtakan kan ekonomiya kan nasambitan ng nasyon huli man sa iriwal sa sarong border dispute kontra sa pagtaraid na nasyon kaini na Cambodia.
Sigun ki Panthrep Pourpongpan, lider kan mga nagprotesta sa Bangkok, hinahagad ninda an pagbubutas ni Shinawatra nin huli ta mayo soboot ibang nahihiling problema apwera sa saiya komo lider.
Ini an makalihis an nagin sagupaan sa pag-ultanan kan Thailand asin Cambodia manungod sa pinag-aagawang parte kan teritoryo sa saindang mga hangganan.
Tulos na nangapudan an mga grupong makabayan sa Thailand na magbutas si Shinawatra makalihis ining magtuyaw sa sarong kumander kan hukbong sandatahan kan Thailand asin magpakumbaba ki dating lider kan Cambodia na si Hun Sen sa sarong na-leak na apod sa telepono.
Ipinagbabawal kaya sa Thailand an pampublikong pagtutuyaw sa militar huli sa makusog na impluwensiya kaini sa nasyon.
Tulos man na naghagad nin despensa an Punong Ministro sa saiyang mga nagin pahayag makalihis na ma-leak sa publiko an saindang mga pinag-uulayan.
Sa ngunyan, nagtutubod an mga residentes kan Thailand na minamanipula ni Hun Sen an pamilya ni Shinawatra.
