Pigsaysay kan Iran na kadikit sana an saindang paglaom sa Israel pag-abot sa saindang pagsunod sa napagkasunduan na ceasefire.
Marurumduman an 12-aldaw na giyera an nagpuon kan June 13, kan maglunsar an Israel nin pag-atake sa Iran na ikinagadan kan saindang top military commanders asin scientists na igwang kinaaraman sa saindang nuclear programme.
Nagbalos man digde an Tehran sa paagi kan pagpapakawara nin ballistic missile attacks sa siyudad kan Israel.
Enot nang pigsaysay kan Israel na an saindang ginibo an igwang obheto na mapugulan an Islamic republic na makabilog nin atomic weapon.
An nasambitan ng akusasyon an enot naman na pigpahimutikan kan Tehran.
Sigun sa lado kan Iran, bako soboot sinda an nagpuon kan giyera alagad kaipuhan ninda na magbalos tanganing proteheran an saindang nasyon gikan sa siisay man na kalaban.
Mientrastanto, maduon na nagpatanid man an Iran na preparado sindang magbalos enkaso magbalgar an Israel sa napagkasunduan na ceasefire.
Sa ngunyan, padagos soboot sindang nakabantay asin nakamonitor sa sitwasyon siringman sa nag-iiral na untuk-putukan.
