Pig-anunsyar kan sikat na K-pop boy band group na BTS an saindang comeback sa 2026 makalihis an saindang mandatory military service.
Sa video livestream kan grupo, sinaysay kan BTS Leader na si Kim Nam-joon o RM na puon ngunyan na bulan nin Hulto pigpaplano ninda mag-iribahan asin magpokus sa paggibo nin sonata.
Kun saen an saindang group album an opisyal na ilululuwas sa masunod na spring, na karaniwang nagpupuon sa Marso hasta Mayo.
Magkakaigwa man sinda nin world tour kaya naglalaom sindang aabangan ini kan saindang fans na Armys.
Pigbuyagyag man kan BTS an saindang plano ngunyan na bulan na magpasiring sa US kun saen gabos kan 7 members an padikit-dikit na mairibahan tanganing puonan an saindang music production asin pagprepararan an saindang nagdadangadang na performances.
Enkaso man na ma-release an saindang bagong album sa 2026, ini an saindang primerong comeback album sa nakalihis na apat na taon puon kan huri nindang i-release an saindang album na “Proof” na nagin best selling album kan nakalihis na 2022 sa South Korea kun saen sold out an haros 3.5 milyong copies kaini.
