Aram baya nindo mga ka-bombo, an Cabrales cheese an pig-imbak sa kweba nin haros 10 bulan an nakareseber nin pinakahalangkaw na marka sa kompetisyon na pigkundusir sa Spain.
An nasambitan ng cheese naipuli an Guinness World Record kan maipabakal sa kantedad na $42,232.
An cheese an pigkriar kan Ángel Díaz Herrero cheese factory, asin pigpabakal kan Regulatory Council DOP Cabrales sa Asturias, Spain na kun saen binakal man kan restaurant na El Llagar de Colloto.
Katakod digde, pigdeklarar kan Guinness World Records an nasambitan ng delicacy komo pinakamahal na cheese na naipabakal sa auction.
Tolos na pinag-aragawan an cheese makalihis na apudon ini kan Regulatory Council DOP Cabrales komo Mejor Queso del Certamen, o Best Cheese of the Competition.
An mahal na cheese na ini an igwang gabat na nagpapakol sa 5 pounds, asin gibo sa gatas kan baka asin pig-imbak nin haros 10 bulan sa Los Mazos cave, na kun saen ini an 5,000 feet above sea level.
