Kinumpirmar ngunyan ni Vice President Sara Duterte na dae ini makakabalik pa sa nasyon antes an State of the Nation Address (SONA) ni Presidente Ferdinand Marcos Jr.
Pagkatapos kaya kan SONA sa Hulyo 28, sinabi kan mga lehislador kan 20th Congress na pupuonan na ninda an impeachment trial.
Sigun sa Bise Presidente, na igwang mga preparasyon na ginigibo ngunyan an saiyang mga abogado.
Ipinapaubaya kaini muna sa saiyang abogado an mga kasimbagan asin pag nakapuli na ini sa nasyon, preparado ining simbagon an mga kahaputan.
Advertisement
Pighurot man kan Bise Presidente na iligal an ginibong pagkua nin mga impormasyon dapit sa saiyang bank records kun saen preparado kaining simbagan sa takdang panahon.
Advertisement
