Aram baya nindo mga ka-bombo, nadiskubrer kan mga otoridad an sarong aking lalaki sa Thailand na nakikipag-ulay soboot sa paagi kan pagbatok siring kan mga Ido.
Ini makalihis na abandonahon soboot kan saiyang Ina na pinagtutubudang nalulong sa droga.
Susog sa report, dae nakapag-kinder an 8-anyos na aki maski nakakua an saiyang Ina nin nasa 400 baht gikan sa gobierno kan Thailand komo pansuporta sa pag-aadal kaini alagad dae ini nai-enroll.
Sigun sa imbestigasyon, nakaistar an aki sa mga kaparientes kan saiyang Ina sa lugar na pig-aapod na red zone huli ta lakop an droga.
Huli sa kapabayaan kan saiyang Ina, haros mga Ido na sana an nakakaibahan kaini kun kaya nagpuon na arugon kan aki an gawi-gawi kan Ido siring kan pagbatok tanganing makipag-ulay.
Huli sa report kan school principal, tolos na nagresponde an mga otoridad, opisyal gikan sa education asin social development ministry kasuarin sana.
Mientrastanto, sa pigkundusir man na drug test nagpositibo sa droga an Ina kan aki magin an matua kaining tugang na lalaki.
Sa ngunyan, nasa kostodiya na kan Uttaradit Children’s Home an nasambitan ng aki.
