Pighatulan nin habambuhay na pagkakakulong na mayong parole si Justin D. Mohn, 33-anyos makalihis na mapatotoohang guilty sa paggadan sa saindang ama kan nakalihis na Enero 2024.
Sigun ki Bucks County Judge Stephen Corr, nagkasala si Mohn sa pagbadil asin pagputol kan payo kan saiyang ama sa saindang harong.Pigposr pa soboot ni Mohn an video kun pano kaini pinugot an payo kan saiyang ama sa Youtube, kun saen naghalot nin pirang oras antes ma-delete.
Sigun sa mga imbestigador, binadil kaini si Michael F. Mohn, 68-anyos, gamit an bagong bakal na badil asin pinugotan gamit an kutsilyo asin tabak.
Sigun pa sa Country District Attorney, mayo soboot pagbasol si Mohn, asin inapod an krimen na “unimaginable, unfathomable crime”.Hurot kaini na salbado na ngunyan an komunidad gikan sa suspek.
Pinorbaran pa soboot ni Mohn na tawan nin rasln an krimen sa pagsasabing inarestar kaini soboot an saiyang ama huli sa pagtataksil kaini.
Alagad inako man kan 33-anyos na pinugotan kaini an saiyang ama tanganing magpadara nin mensahe sa mga empleyado kan gobyerno asin ihurot an saiyang mga pangapodan.
Naarestar si Mohn makalihis magsakat sa bakod kan Fort Indiantown Gap, sarong kampo kan National Guard, kun saen nangapodan ini sa publiko na magtabang sa pagbagsak kan gobyerno.
Kan madakop, dara kaini an USB drive ma igwang ladawan kan mga federal buildings asin mga giya sa paggibo nin pampasabog.
Napag-araman man an haloy na kainibg pagsusurat min mga pahayag kontra sa gobyerno.
Nahahampang man an suspek sa kasong possession of an instrument of crime, gun charges, criminal use of a communication facility, terroristic threats, defiant trespassing, asin abuse of a corpse.
Sigun sa mga taga-usig, an krimen an sarong “cold, calculated, organized plan” tanganing takuton an mga federal employee.
