Aram baya ninda mga ka-bombo, naipabakal sa kantidad na $30.5 milyon o katampad kan P1.7 bilyon an kakaibang Ceratosaurus fossil sa sarong auction.
Sigun sa Sotheby na an kakaibang mga kalansay kan dinosaur an iyong pinaka-pino asin kumpletong halimbawa na nadukayan.
Dae mahuna kan auction house na nakabase sa New York na ini an mababakal sa siring na kantidad huli ta piglalaoman ninda na hasta $6 milyon sana.
Igwa nin anom na mga bidders an nagka-interesado sa pagbakal kan nasambitan ng fossils.
An Ceratosaurus nasicornis an sarong meat-eating predator na nasal horn, halaba an ngion asin mabutong lawas. Igwa ini nin langkaw na anom na talampakan asin tolong pulgada asin laba na hasta 3.25 meters.
An nasambitan ng dinosaur na naipabakal an medyo aki na pigbibilog kan 139 bone elements.
Ini an nadiskubre kan 1996 sa Bone Cabin Quarry sa Wyoming kun saen pigkakarkulong igwa nin edad na labi 150 milyong taon.
Naka-display ini sa Museum of Ancient Life sa Thanksgiving Point, Utah puon 2000 hasta 2024.
