Mareresiber na kan mga kooperatiba asin mga transport sector gikan sa manlaen-laeng ruta sa Metro Manila an modern jeepney o “Euro-4 “ gikan sa Auto Parts and Vehicle o APV.
Ini an kasunod kan isinagibong signing ceremony gikan Hongkong, Japan Korea, asin China sa World Trade Center sa Pasay kan Auto Parts & Vehicles Expo 2025.
Sigun sa CEO kan E- Future Motors gikan South Korea na si Bong Kyun Shin, obheto kan mga alok na modern jeepney an makatabang sa mga tsuper na sakit magkua asin mag-loan sa bangko huli sa mahal kan saindang kinakaipuhang ihulog tangani makabali sa kooperatiba.
Apwera pa digde, mawot na man nindang makatabang sa sa kalikasan kan nasyon huli ta iba talaga an usok o polusyon kan Pilipinas kumparar sa ibang mga nasyon.
Mientrastanto, aminado man an nagkapirang kooperatiba na marahay an nasambitan ng programa na ini huli ta dae na ninda kaipuhang magluwas pa nin dakulang kwarta tangani liwat na makapagtrabaho.
