Nagpahayag nin suporta an Department of Education sa prosopwesto ni Sen. Bam Aquino na parekason an pagpapatindog nin mas kadakol na classroom sa nasyon.
Sigun ki Education Secretary Sonny Angara, bilog an saiyang suporta para sa Classroom Building Acceleration Program (CAP) Act ni Aquino.
Obheto kan prosopwestong ini na matawan nin otorisasyon an mga kwalipikadong Local Government Units magin an mga private sector na magpatindog nin mga classroom sa Pilipinas.
Nagtutubod an Sekretaryo na tugma an prosopwesto ni Sen. Aquino sa mga piggigibong lakdang kan saindang ahensiya na simbahan sa kakulangan kan classroom sa pampublikong eskwelahan sa Pilipinas.
Basado sa datos, mapakol sa poco mas o menos 165,000 classroom an kulang tanganing ma-accomodate an mga eskwelahan nin mas marhay.
Enot nang sinaysay ni Senator Bam Aquino na ibubusol man kaini an pag-amyenda tanganing mapahewas pa an Republic Act No. 11037 o an Masustansyang Pagkain para sa Batang Pilipino Act.
Ini an enot na pigbusol ni Aquino kan nakalihis na 17th Congress.
