Pig-anunsyar kan Department of Labor and Employment (DOLE) na an mga empleyadong naglaog sa trabaho ngunyan na aldaw, Hulyo 27, 2025 an makakaresebir nin dugang na 30% sa saindang basehang sahod para sa enot na walong oras kan trabaho.
Alinsunod ini sa Labor Advisory No. 09, Series of 2025, katakod kan deklarasyon kan special non-working day sa bilog na nasyon tanganing komemoraron an anibersaryo kan Iglesia Ni Cristo, basado sa Proclamation No. 729 na pinirmahan ni Presidente Ferdinand Marcos Jr.
Basado sa DOLE epektibo an “No work, no pay” para sa mga empleyadong dae naglaog, apwera na sana kun igwang kasunduan sa kompanya o collectice bargaining agreement.
Mantang makakaresebir nin 130% nin sahod an empleyado para sa enot na 8 oras kan trabaho kun naglaog ini.
Pigtawan man nin dugang na bayad sa overtime na 30% kan hourly rate basaod sa ipigtalaang formula.
Kun an aldaw an kasabay kan rest day, an sahod na marereserbir dapat kan empleyado an 150% kan regular na aldawang sahod kaini.
Para man sa overtime sa rest day asin special day, igwang dugang na 30% pa nin hourly rate.
Pinagiromdoman kan DOLE an mga employer na sunudon an tamang patakaran sa pagsahod para sa mga obrerong nagtrabaho sa nasambitan ng special holiday.
