Inaprubaran kan Department of Labor and Employment (DOLE) an pagpautob nin dagdag-sahod para sa mga minimum wage earner sa Western Visayas (Region VI) asin SOCCSKSARGEN (Region XII).
Sa Rehiyon VI, malangkaw nin P40 sagkod P45 an aldawan na sweldo kan mga trabahador na magigin epektibo poon ngunyan na Nobyembre 19, 2026.
Makakaresibe man nin dugang na P500 sa saindang bulanan na minimum wage an mga kasambahay o domestic workers sa bilog na Western Visayas.
Mantang, sa Rehiyon XII man, linalaoman an kabilugan na P41 na dugang sa aldawan na sahod kan mga trabahador sa pribadong sektor na itatao sa duwang tranches.
Ipapautob an enot na tranche na P16 poon Nobyembre 19 mantang an natatadang P25 magigin epektibo sa Enero 1 kan maabot na taon.
Makakaresibe man an mga kasambahay sa SOCCSKSARGEN nin dugang na P450 sa saindang bulanan na sahod tanganing makatabang sa pang-aldaw-aldaw na gastos.
