Aram baya nindo mga ka-bombo, an mga joven na musicians gikan sa South Africa asin Zimbabwe an nagtiripon sa Cape Town para sa pagpurbar kan Guinness World Record para sa pinakadakol na marimba ensemble na pigbibilog kan nasa 1,276 players.
Sigun sa Marimba Jam, an grupo na nag-organisa para sa nasambitan ng world attempt, obheto kan saindang lakdang an matabangan na maipromoter an musika.
Katakod digde, nasa 1,276 na estudyante an sarabay na nagpatugtog kan saindang percussion instruments sa Cape Town’s Grand West Arena.
An nasambitan ng aktibidad nagin rason tanganing mahalian ninda nin titulo sa Guinness World Record an Marimbas por Guate group na gikan sa Guatemala na pigbibilog kan nasa 505 na indibidwal na sarabay na nagpatugtog kan saindang marimbas kan taong 2021.
Mientrastanto, enot naman na pigpurbaran kan Marimba Jam na maibulsa an World record kan taong 2018, alagad nabigo sinda na maisumiter an pighahagad na requirements kan Guinness World Records.
Sa ngunyan, nagpasalamat na sana an grupo sa gabos na nagtarabangan tanganing magin matrayumpo an nasambitan ng aktibidad.
