NAGA CITY – Todo an preparasyon kan lokal na gobyerno kan San Jose Partido sa gigibuhon na ika-apat na taon kan saindang kasalang bayan.
Sa entrevista kan Bombo Radyo Naga ki Mayor Jerold Peña kan LGU-San Jose, sinaysay kaini na magkakaigwa na naman an saindang banwaan nin kasalang bayan kun saen ini man pinuonan kan saiyang enot na termino komo alkalde.
Dugang pa kaini, an nasambitan ng kasalang bayan an kakaiba huli man ta iba ini sa karaniwang nahihiling sa iba na an nagkakasal iyo an alkalde, asin papaaralsahon soboot nin sarong sakong bagas an lalaki o groom.
Katakod kaini, an kasalan an libre asin igwang 27 couple catholics na ikakasal asin walong non-catholic na an alkalde an administer kan kasal. Magaganap man an nasambitan ng kasalang bayan sa maabot na petsa 8 ngunyan na bulan alas-8 nin pagkaaga.
Sigun pa ki Peña na pag-abot soboot kan petsa 7 papadarahan kaini an mga kakasalon sa saindang harong nin panghanda siring na sana kan tigsararong sako nin bagas, 5 kilong karneng orig asin 5 kilo man na karne nin manok.
Apwera pa digde, nagkaigwa man nin pre-nuptial an mga kakasalon na ginibo kan nakalihis na aldaw kun saen igwang manlaen-laen na grupo na nag-sponsor kan gupit asin paglinig kan kuko kan mga couples.
Mantang an mga konsehal kabali na an Vice Mayor kan banwaan an pig-tangro komo bridal car an saindang mga lunadan.
Pigtawan-duon pa kan alkalde na kun mahihiling soboot ini garo bakong kasalang bayan huli man ta igwa man ini nin same edit video asin reception.
Siring man magkakaigwa pa ini nin manlaen-laen na pakulo para sa ikakaogma soboot kan mga kakasalon.
Sa ngunyan hagad na sana ni Peña na magin matrayumpo an ikukundusir na kasalang bayan asin sana magin maogma an gabos na ikakasal.
