Nakaguno nin pag-omaw si Kevin Quiambao komo saro sa nagkapirang bright spots sa pagkadaog kan Gilas Pilipinas sa 2025 FIBA Asia Cup opener kaini.
An produkto kan De La Salle University nagheras nin enerhiya para sa Nationals sa saindang 95-87 na pagkadaog sa kamot kan Chinese Taipei, na kun saen si Quiambao nakakua nin 17 puntos (3/6 3pts), apat na rebounds, asin duwang assists. Si Justin Brownlee nakapuntos man nin nasa (19 puntos) mas dakul kumparar sa forward kan Goyang Sono Skygunners.
Nag step up man si Quiambao kan an Barangay Ginebra import nakikipag-atubang sa foul trouble asin sa kahurihurihi na-foul out.
Labi man an pagkaogma ni Philippines head coach Tim Cone sa hiro ni Kevin.
Ini soboot an nagin highlight sa saidnang team dawa na nagkulang nin kadikit. Nakagibo an Gilas nin 26 fouls na nagresulta sa paglaog kan Chinese Taipei nin 27-of-35 gikan sa foul line, asin an paglalapigot kan Pilipinas sa defensive end an dae napugulan an hot-shooting Taiwanese na nagrehistro nin 12-of-27.
Siringpaman, sa ibong kan disappointing performance kan Gilas, mawot ni Cone na an saiyang mga tropa matutok sa kung pano sinda makakabawi giraray sa mga masunod na kawat
