ARAM baya nindo mga kaBombo, sarong Chinese man an kansuarin sana na-scam sa Hangzhou gym sa paggastos nin nasa 870,000 yuan ($121,000) para sa pirang taon na gym memberships asin private lessons.
Binisto an biktima na si Jin na kun saen nagsasairarom sa training sa Ranyan Fitness gym sa laog kan tulong taon.
Hasta sa igwa nin nag alok sa saiya na salesperson na sinasabing an Ranyan malansar nin special offer para sa soboot mga loyal members, na nagpapabakal nin baratong long-term memberships na pwede soboot ipabakal man sa bagong members para sa dobleng presyo.
Pigtawan pa soboot nin garantiya kan salesperson si Jin na makakakua pa nin full refund enkaso dae mapabakal an nasambitan ng membership.
Sigun ki Jin, sa pag ultanan kan bulan nin Mayo asin Hulyo, nakabakal ini nin nasa 1,200 classes asin 300 annual memberships sa Ranyan Fitness.
Huli sa dakulang kantidad asin man too good to be true na alok kan gym, dagos na nagdulok si Jin sa mga kapulisan.
Igde na napagaraman na na-scam na palan ini. Dagos man na nagsunad nin reklamo si Jin sa paglaom na maibalik giraray an saiyang mga nasayang na investment.
Alagad, pinatanidan ini kan mga abogado na magigin dipisil an proseso, huli ta dae na mahanap an mga scammer asin nagpirma si Jin nin kontrata na nagtutugot na magbakal nin mga non-transferable gym membership.
