NAGA CITY- Piglinaw kan Philippine National Railways (PNR) na an ruta puon Laguna pasiring sa Bicol an dae pa operational.
Ini an kasabay kan nagkukuriyat na impormasyon sa social media na operational na an PNR Bicol Express kun saen piglaloman na tolong oras na sana an magigin byahe gikan Laguna hasta Bico.
lAn nasambitan kaya na impormasyon an nakakapagkriar nin kalituhan sa publiko orog na sa mga pasahero.
Magkakaigwa man soboot nin anunsyo dapit digde enkaso magin operational na an nasambitan ng ruta.
Marurumduman, pigsugo ni President Ferdinand “Bongbong” Marcos Jr. an tolos na rehabilitasyon kan Calamba-Legazpi route na magigin operational sa taong 2026.
Sigun sa PNR, an railway firm marekas naman sa pagsimbag sa right-of-way issue kan PNR-South Long Haul Project, na nagkokonektar sa Manila hasta Bicol.
Sa ngunyan, pigpayuhan na sana kan PNR an publiko na mag-monitor sa saindang social media pages para sa mga imporasyon asin biyahe kan mga train system.
