Pigsierto ni Indian Prime Minister Narendra Modi na poprotehiran kan gobyerno an mga paraoma sa tahaw kan tumitinding tensyon sa kalakalan sa pag-ultanan kan India asin man Estados Unidos.
Sa nagin pahayag ni Modi sa saiyang taunang patara-tara gikan sa Red Fort sa New Delhi, ini soboot an matindog na garu pader kontra sa mga polisiya na nagbabanta nin mga interes.
An nasyong India dae nuarin man makumpromisa pag abot sa pag protehir man mga interes kan mga paraoma.
Kasunod ini kan pagpataw nin 25% taripa kan Amerika sa mga produktong gikan pa nin India, na pwedeng maglangkaw pa sa 50%.
Bagaman dae tuwirang binanggit an Amerika, nangapudan si Modi nin self-reliance asin man preparasyon sa paggibo nin sadiring pataba, jet engine, EV batteries, asin man semiconductor chips.
Magpuon kaya nin bulan nin Oktubre, mapautob an India nin mas hababang buwis sa lokal na produkto asin man serbisyo tangani pasiglahon pa an ekonomiya.
Mientrastanto, napauktaba man an negosasyon kan India asin U.S. makalihis an limang rounds nin pag-uulay huli pa man sa isyu sa agricultural products asin langis gikan sa Russia.
Kun saen sigun ki Modi respetuhon asin intindihon kan Amerika an saindang desisyon sa ibong man kan naglalalang tensyon.
