Nangapudan si Iranian President Masoud Pezeshkian sa mga nasyon na Muslim na pakusugon an saindang relasyon tanganing labanan an pang-aapi kan Israel asin US.
Huli nagtutubod siya na an US asin Israel an may kagustuhan na magkaburunyog an mga nasyon sa Gitnang Sirangan.
Ini an nagin parte kan panawagan kan Iranian President kan makaharap niya an defense minister kan Saudi Arabia, an army chief kan Pakistan, asin an intelligence chief kan Turkey.
Segun saiya, andam an Iran na magtao nin suporta tanganing mapakusog an pagkasararo, seguridad, asin katuninongan sa mga nasyon na Muslim; kinokondena man niya an mga pag-atake kan Israel sa Gaza, Lebanon, Iran, asin iba pang parte kan rehiyon.
Pigtawan-duon niya na dai sinda naghahagad nin mga “nuclear weapons” alagad igwa sinda nin karapatan para sa pagtulod nin matuninong na “nuclear activities” sa irarom kan “Nuclear Non-Proliferation Treaty.”
