Pigtawan duon ni US President Donald Trump na maluwas ini nin sarong resolusyon na nagtatao nin seguridad sa Ukraine.
In an pigsierto kan Presidente sa pakikipag-ulay ki Ukrainian President Volodymyr Zelensky asi nagkapirang mga European Leader.
Nagtutubod ini na magkakaigwa nin kasunduan na an Ukraine asin Russia.
Marurumduman, enot na nakipag-ulay si ni Trump ki Zelensky kun saen nagin kalmado ini kumparar sa enot na paghihilingan kan duwa.
Pinasalamatan man ni Zelensky si Trump huli sa pagbusol kan pagtatapos nin giyera ninda kan Russia.
Preparado man an US na magtao nin mga soldados sa Ukraine tanganing masierto na dae na mautro pa an anuman na pagkubkob kan Russia.
Apwera digdem, pigpapakarhay man ni Trump an meeting nindang tolo kaibahan si Russian President Vladimir Putin.
Mientrastanto, kabali sa mga nag-atender iyo sinda European Commission President Ursula von der Leyen, British Prime Minister Keir Starmer, Finnish President Alexander Stubb, French President Emmanuel Macron, Italian Prime Minister Giorgia Meloni, German Chancellor Friedrich Merz asin North Atlantic Treaty Organization (NATO) Secretary-General Mark Rutte.
