Aram baya nindo mga ka-bombo, an Swedish consumer electronics company na Teenage Engineering an kasuarin sana piglunsar an pigmirar komo world’s cheapest PC case, kun saen an delivery fee sana an babayada kan customer.
Susog sa report, an Computer-2 an dae maikokonsederar na pinaka-innovative, matibay o kaya magayon na case, alagad ini man an pinakabarato.
Ini an gibo sa translucent polypropylene plastic kun saen pig-feature an hinged and snap-on design para sa tool-free assembly, pagsuporta sa mini-ITX motherboard, SFX power supply, low-profile CPU cooler, 80mm fan, asin dual-slot graphics cards na maabot sa 180mm an laba.
An kaipuhan sana soboot magbugtak nin kadikit na pressure sa components, asin ini an pakarhay na maski dae naggamit nin screw.
Katakod digde, an pinakabaratong PC case an pinagkaguluhan kan publiko kun saen nag-abot pa sa punto na naubusan nin stock an kompanya makalihis na ilunsar alagad nagpromesa man an Teenage Engineering na magkakaigwa nin bagong batch antes na matapos an taon.
Sa ngunyan, padagos na pigtatangkilik kan publiko an nasambitan ng PC case huli man sa barato kaining kantedad.
