NAGA CITY – Dae nagin kaulangan an diskriminasyon sa edad asin kasarian sa sarong kapitan sa siyudad nin Naga tanganing magin matibay na lider.
Sa entrevista kan Bombo Radyo Naga ki Angelo Romano Bendiola, Barangay Kapitan kan Igualidad, Naga City, sinaysay kaini na an pagigin joven sa edad an dae pwedeng kutyaon o limataron an abilidad, kun saro soboot ini sa mga bagay na saiyang pigpapatotoohan na maski joven kadakol an pwedeng maginibo.
Dugang pa kaini, saro soboot testamento an saiyang pagigin presenteng kapitan kan nasambitan ng barangay na sarong inspirasyon sa mga jovenes na dae matakot magin lider kan komunidad ta kaya man soboot kan mga ini.
Katakod kaini, si Bendiola nagpuon magserbe kan ini 15-anyos kun saen ini man an nagin paagi tanganing makapagklase nin kolehiyo huli man ta igwa soboot makukuang scholarship kun saro kang SK official.
Sigun pa sa opisyal, naipadagos kaini an pagserbe nin maogma na hasta ngunyan yaon pa man giraray ini sa pagigin serbidor sa saindang barangay komo sarong barangay Kapitan.
Nagpasalamat man si Bendiola sa mga residentes kan nasambitan ng barangay huli man ta sa bilog na apat na eleksiyon kaining dinalaganan magpuon kan ini nagdalagan komo SK Chairman, Brgy. Kagawad asin hasta ngunyan na nagin pamayo ini kan barangay Igualidad, dae soboot ini sinayumahan kan tawo kaya dae man soboot kaini sasayumahan an saiyang obligasyon.
Pig-orgulyo man kan opisyal na out of 27 na barangay sa siyudad nin Naga, saro an saindang barangay sa natawan nin award nin regiolanal Seal of Good Local Governance for Barangay (SGLGB) kun saen igwa ining kaibahan na P500,000.
Sa ngunyan, abiso na sana ni Bendiola orog na sa mga kajovenan na kun gusto mo talaga na magin sarong lider kaipuhan gamiton soboot an mga experyensiya magayon man o bako tanganing mas magin marhay na tawo, huli man ta nagtutubod ini na kun marhay an sarong tawo padagos ining magibo nin kamarayan bako sana para sa sadiri magin para sa saiyang kapwa.
