Aminado an presenting sekretaryo kan Department of Justice na si Secretary Jesus Crispin Remulla na nagkaigwa nin komplikasyon dapit sa potensiyal na ‘whistleblower’ katakod sa isyu kan flood control projects.
Sigun sa sekretaryo, an soboot posibleng testigo sana an sarong kontratista kaibahan sa mga proyektong naiimbwelto sa kontrobersiya.
Paliwanag kaini na kaya nagkaigwa nin problema an huli sa magkakasabay asin manlaen-laen an mga isinagibong imbestigasyon kan gobyerno sa presente.
Kaya pwede soboot an iba an nagbagao an saindang isipan o nagkusog man an boot tanganing magtindog asin maglantad komo testigo.
Pighahalat na sana soboot an executive order para sa pigbibilog na ‘independent committee’ na ma-imbestigar asin matutok sa kontrobersiyal na ghost flood control projects kan gobyerno.
Marurumduman na kasuarin sana, ipigheras man kan sekretaryo an dapit digde kun saen nakaulay soboot an abogado kan nasambitan ng ‘potential whistleblower’.
Basado sa saiyang interview, sinaysay man kaini kun nasa pira o pirang poryento an nagin bangaan o nawawalat na sanang bayad para sa kontratista.
Nasa 20-40 sana soboot an nag-abot sa saindang gikan sa proyektong dapat kudta na makakatabang sa pagkontrol kan baha alagad saro palan na ‘ghost project’.
