Nakatalaan na isagibo sa September 15 an summary hearing katakod kan pigsunad na petisyon para sa writ of amparo kan kampo ni dating Bulacan 1st district Assistant Engineer Brice Hernandez.
Ini an makalihis na makapag-sumiter nin kasimbagan an Senado sa Pasay RTC branch 112 antes an pigtalaan na 72–oras para sa kahurutan ni Hernandez.
Sa pigpaluwas na kasuguan ni Geoffrey Llarena kan Pasay RTC, pighurot ninda sa Senado na magtao nin detalyadong kasimbagan asin ipaliwanag na dae nabalgar an mga derechos ni Hernandez.
Pigpapabugtak man sa korte an mga ginibong lakdang kan Senado tanganing masierto an constitutional rights ni Hernandez.
Marurumduman, nagsunad kan nakalihis na Huwebes, September 11, nin protective order sa Pasay RTC an kampo ni Hernandez na ngunyan an presenteng nakakulong sa Pasay City Jail makalihis na makareseber nin seryosong banta huli sa pigbuyagyag kaini na haralangkaw na opisyal kan gobierno na imbwelto sa anomalya kan flood control project kan gobierno.
