Ipinaaram ni Ombudsman Jesus Crispin “Boying” Remulla na madali na suboot maisampa an kasong plunder laban ki dating House Speaker Martin Romualdez.
Alagad aminado ining igwa pang mga bagay na dapat ayuson asin tapuson bago pormal na maisampa an kaso.Makalihis an fact-finding, malaog na an kaso sa Preliminary investigation kan Ombudsman, sunod sa proseso na itinakda kan ley.
Segun saiya, obheto kaining masierto asin masiguro an mga karapatan kan mga indibidwal na mapaparatangan sa kaso.
Katakod pa man giraray ini sa suboot na pagkakasangkot ni Romualdez sa maanomalyang Flood Control Projects kan Gobyerno.
Itinutukdo siya bilang “mastermind” kan korapsyon sa Flood Control, kaya kabali si Romualdez sa mga posibleng masampahan nin kaso.
Mientrastanto, sa ibong kan mga pahayag ni Remulla, mayo pa ining ipinaluwas na aldaw kun nuarin pormal na maisasampa an kasong Plunder laban ki Leyte 1st District Representative Martin Romualdez.
