Labi an kaogmahan ni Micah Christenson na liwat makabalik sa Pilipinas tangani magkawat sa hampang kan mga Pinoy fans sa 2025 FIVB Men’s Volleyball World Championship.
Mate ni Christenson an mainit na pag-ako kan mga Pilipino rason tangani man ganahan an Team USA na marikas na inilampaso an Colombia, 25-20, 25-21, 25-14, sa saindang primerong kawat kan nakalihis na aldaw sa Mall of Asia Arena sa Pasay City.
Kabali man sa mga pig-omaw kaini iyo si Creamline team captain Alyssa Valdez na nangenot sa pagpapamati kan Filipino hospitality.
Marurumdumang bako ini an primerong pagkakataon na nagkahilingan sinda Christenson asin Valdez.
Nagkrus an saindang mga landas kan nakalihis na taon kan magkawat man an Team USA sa Volley Nations League na pigkundusir man sa MOA Arena.
